سڈنی(نیوز ڈیسک )یورپی ممالک میں بعض بے حس لوگوں نے ملائیشیا کے طیارے کی تباہی میں جان بحق ہونے والے مسافروں کی تصاویر کو فیس بک پر استعمال کرتے ہوئے پیسہ کمانے کیلئے استعمال کرنا شروع کر دیا ہے۔سائبر کرائم کے ماہرین نے انکشاف کیا ہے کہ طیارہ حادثے میں جاں بحق ہونے والے بچوں اور خواتین ملسیا ،للی این کی تصاویر کو ایک فیس بک اکاﺅنٹ پر استعمال کیا جا رہا ہے فیس بک پیج بظاہر حادثے کا شکار ہونے والوں سے ہمدردی اور ان کی یاد تازہ کرنے کیلئے بنایا گیا ہے لیکن اسے وزٹ کرنے والوں کو طیارے کی تباہی کی ویڈیو دکھانے کے بہانے دیگر ویب سائٹوں کی طرف لبھایاجاتا ہے تا کہ ان ویب سائٹوں پر صارفین کے وزٹ زیادہ ہونے سے ان کی کمائی میں اضافہ ہو ان مفاد پرست ویب سائٹوں میںفحش ویب سائٹوں کے شامل ہونے کا بھی انکشاف ہوا ہے۔فیس بک نے اپنی ویب سائٹ پر موجود مواد کو تو ہٹا دیا ہے لیکن جس ویب سائٹ کے ذریعے ٹریفک کو دیگر ویب سائٹوں کی طرف موڑا جارہا تھا وہ ابھی تک انٹرنیٹ پر موجود ہے ماہرین کا کہنا ہے کہ عین ممکن ہے کہgoalshighlights.com نامی مزکورہ ویب سائٹ کو ہیک کر کے استعمال کیا جارہا ہے۔